GRADUACIÓN.

"I STILL HAVEN`T FOUND WHAT I´M LOOKING FOR"

U2

"BLOWING IN THE WIND"

BOB DYLAN

5º CURSO 3.9

1 - 5 XUÑO

 

Bo día !

 

A- FRAUTA.

Comezamos coa prática da última partitura.

No enlace seguinte tedes o titorial, pero recordade a diferencia co 3º compás.

B- O JAZZ.

O jazz é un xénero musical nado no sur dos EEUU a principios do século pasado. É un estilo de música que require unha gran capacidade de improvisación, é dicir, adoita tocarse sen partitura.

Pode interpretarse en diferentes agrupacións: dúos, tríos, quintetos, big-bands...

 

Unha big-band adoita estar formada por instrumentos de vento-madeira, vento-metal, batería, contrabaixo, piano e voz, aínda que ás veces podemos atopar a guitarra, o violín ou o banjo.

 

 

C- O ROCK EN GALICIA.

En Galicia, durante os anos setenta, oitenta e noventa, aconteceu a consolidación dunha crecente cantidade de grupos de rock.

Todo elo orixinou unha onda musical, a movida viguesa, que cambiaría o panorama musical galego para sempre.

Daquela xurdiron grupos como: Os Suaves, Siniestro Total, Os Resentidos... que posteriormente darían lugar a outros movementos como o rock bravú ou o hip hop galego.

 

4º CURSO 3.9

1 - 5 XUÑO

 

Bo día !

 

A- CANTAMOS.

 

Comezamos hoxe coa canción: "Lo más vital"

 

 

B- LINGUAXE MUSICAL: A ANACRUSE.

Cando o primeiro compás dunha melodía está incompleto dicimos que comeza en anacruse. Faltaría, por tanto, a parte forte dese compás, que normalmente sería completada coa parte final da melodía.

Mirade este exemplo.

 

C- AUDICIÓN: "A PRIMAVERA" (A. VIVALDI)

Por último, imos ver este musicograma da "Primavera" de Vivaldi, pertencente á súa obra "As catro estacións".

Un musicograma é a representación gráfica dunha obra musical mediante símbolos non convencionais, é dicir, non usa unha clave, nin pentagrama, notas ou silencios.

 

En vez da linguaxe musical emprega debuxos, imaxes, liñas, gráficos... que tratan de representar a música. O musicograma, trata así de representar a velocidade, os timbres, a intensidade do que escoitamos.

   Agora picade na imaxe.

3º CURSO 3.9

1 - 5 XUÑO

 

Bo día !

 

A- INSTRUMENTOS VENTO-METAL: A TROMPETA.

A trompeta é un instrumento da familia de vento-metal. O seu son é dos máis agudos desta familia, xa que os outros compoñentes dela -como o trombón, a trompa ou a tuba- teñen un tubo máis longo que emite sons máis graves.

 

Os instrumentos desta familia teñen unha boquilla na que se poñen os beizos para facelos vibrar coma lingüetas ao soprar.

 

O son da trompeta é moi brillante e por iso é moi utilizada en orquestras, bandas, grupos de jazz e bandas militares.

 

B- LINGUAXE MUSICAL.

Agora tedes que ir ao enlace a practicar dúas cousas moi importantes: a colocación das notas no pentagrama e máis a lectura de ritmos.

    Practicamos as notas.                   Practicamos ritmos.

                                                            

         

C- MUSICA, MÚSICOS E CINE DE ANIMACIÓN.

Hoxe temos por aquí a unha personaxe que coñeceredes ben: A Panteira Rosa.

Henry Mancini, o compositor deste tema, foi un músico que sempre será recordado pola súa contribución ao mundo do cine.

Entre os seus temas máis coñecidos está  o que vos deixo hoxe "Pink Panther theme".

Neste capítulo a protagonista trata de entrar nunha orquestra co seu violín para tocar o tema da panteira, pero o director da orquestra quere seguir co ensaio da 5ª Sinfonía de Beethoven.

2º CURSO 3.9

1 - 5 XUÑO

 

Bo día !

 

A- CANTAMOS.

Hoxe repasaremos a canción: "Miña abuela Manuela".

Recordade os movementos do corpo para escenificala.

 

 

 

B- INSTRUMENTOS DE VENTO-MADEIRA: O CLARINETE.

O clarinete, o instrumento de Calamardo,  forma parte da familia de vento-madeira. Tócase soprando pola embocadura onde ten unha lingüeta de madeira. Para facer soar as distintas notas ten unhas chaves que, cun mecanismo, tapan e destapan os seus buratos.

A parte máis ancha, que amplifica o seu son, é a campá.

C- MÚSICA E CINE.

 

Chegamos á última parte. Agora faremos click no enlace para ver e escoitar esta curtametraxe: "Swing of change".

 

A trompeta, que é un instrumento da familia de vento-metal, está moi presente durante toda a película, pero non é o máis importante de trama. Esta é unha historia que dará para falar moito, así que, prestade moita atención.

 

1º CURSO 3.9

1 - 5 XUÑO

 

Bo día !

 

A- CANTAMOS.

Toca repasar algunhas das cancións que cantamos ao longo das últimas clases:

- Fun ao mercado.

- Radio Bulebule.

- O galo canta.

- A vaca marela.

B- LINGUAXE MUSICAL.

Chegou o momento de darlle duro á colocación das notas no pentagrama. Tedes que picar na clave de sol e logo chegades a un lugar onde aparecen tres opcións: ler, escribir e escoitar. Podedes xogar coas tres opcións, pero a de escoitar necesita que lle prestedes un pouco máis de atención.

C- MEMORY DOS INSTRUMENTOS.

 

Agora xogaremos a facer parellas de instrumentos picando na pandeireta.

6º CURSO 3.8

25 - 29 MAIO

Bo día !

 

A- FRAUTA.

Barcarola

  

  

B- CANTAMOS:

I still haven´t found what I´m looking for

C- MÚSICA E CINE: LEROY ANDERSON.

Aquí deixo un exemplo do divertida que pode ser a música e da súa influencia no cine.

O nome do compositor de hoxe é Leroy Anderson, un coñecido músico estadounidense do século XX. Escoitaremos unha das súas pezas máis divertidas: "A máquina de escribir".

O primeiro vídeo é unha orquestra que interpreta "A máquina de escribir". O segundo vídeo é un fragmento dunha vella película, na que se utiliza esta peza como parte fundamental da escena.

5º CURSO 3.8

25 - 29 MAIO

Bo día !

PREGUNTO FRAUTA

 

A- FRAUTA.

Comezamos coa práctica da partitura para frauta.

No enlace seguinte tedes un titorial da partitura. A única diferencia coa partitura de arriba está no ¿...? compás.

Se buscades pola rede poderedes ver máis información desta peza e varios exemplos en diferentes estilos.

Aquí tedes un exemplo con Simon & Garfunkel.

Outro exemplo con Hayley Westenra

 

B- COMPÁS DE SEIS POR OITO.

O compás de 6/8 é un compás binario de subdivisión ternaria, ten, polo tanto, dúas partes ou tempos e cada unha destas partes podémola subdividir en tres.

 

A figura unidade de tempo é a negra con puntillo.

A figura unidade de compás é a branca con puntillo.

 

Muiñeira de Chantada.

 

C- AUDICIÓN: BOLERO DE RAVEL.

De seguido poderedes escoitar o Bolero de Ravel. Nesta obra poderedes escoitar un tema que se repite pero que vai gañando en intensidade a medida que avanza a obra, comezando dun xeito moi sutil e rematando atronadoramente. É un ostinato que se repite unha e outra vez facendo un crescendo memorable. Espero que vos guste.

4º CURSO 3.8

25 - 29 MAIO

 

Bo día !

 

PREGUNTO : A FEIRA

A- CANTAMOS.

Repasamos a canción do último día:

B- FRAUTA.

Comezamos o novo mes copiando unha nova partitura: "O pallaso".
 

Teremos que comezar coma sempre, amodiño e por partes. 

 

Programaremos o estudo por pentagramas e as indicacións técnicas serán as de sempre: colocación das mans, respiración, postura corporal...

Tocando eses 12 minutos de luns a venres logo vos facedes con ela. Se tedes dúbidas coa posición dalgunha nota, picade na frauta para buscar no enlace.

C- VENTO-MADEIRA CON LINGÜETA DOBRE.

 

Óboe                          Fagot

               

Dentro deste grupo de instrumentos atopamos os seguintes:

 

O óboe, é un instrumento formado por un tubo de madeira con buratos e chaves. No extremo superior leva o tudel coa dobre lingüeta e no inferior leva a campá.

O corno inglés, é un óboe co timbre máis grave. A súa campá ten forma de bulbo e tamén ten chaves. O tudel está lixeiramente curvado.

O fagot e o contrafagot son os máis longos, e graves, desta familia e comparten algunhas características cos dous instrumentos anteriores.

 

Agora para rematar acompañaremos a este trío de dobre lingüeta coas baquetas.

 

3º CURSO 3.8

25 - 29 MAIO

 

Bo día !

 

A- FRAUTA.

 

Comezamos a clase practicando coa frauta. Recordade:

1- Lombo ben dereitiño.

2- Man esquerda arriba.

3- Man dereita abaixo.

4- Polgar esquerdo ...

5- Polgar dereito ...

6- Sopramos amodo.

 

Non vos esquezades das notas novas: do e re.

 

B- INSTRUMENTOS NA MÚSICA GALEGA.

En Galicia podemos atopar unha grande variedade de instrumentos nas formacións de música tradicional. Falaremos das características dalgúns dos máis empregados de cada familia:

Atendede agora a estas tres gravacións.

         

C- AUDICIÓN.

Para rematar a clase de hoxe escoitaremos unha obra do compositor estadounidense Henry Mancini. O nome deste tema é: "O paseo do pequeno elefante"

 

2º CURSO 3.8

25 - 29 MAIO

 

Bo día !

 

A- CANTAMOS.

Hoxe seguimos coa "Princesa do Caurel".

Recordade as palabras clave da canción:

               1- Pano.                               6- Lume.

               2- Pega.                               7- Auga.

               3- Gato.                                8- Cabra.

               4- Can.                                 9- Chivo.

               5- Pau.                                10- Anel.

 

B- ENCRUCILLADO INSTRUMENTAL.

 

Agora teremos que buscar o nome dos instrumentos da foto da esquerda no encrucillado da dereita:

¿A que familia pertence cada un deles?

¿Están representadas todas as familias?

 

Picade no timbal para resolver o memory de instrumentos.

C- MÚSICA PARA CADA OCASIÓN.

Por último escoitaremos tres marchas distintas:

 

1- Para un funeral.

2- Para unha voda.

3- Para celebrar unha victoria.

¿Cal poriades para cada ocasión?

¿Por que?