GRADUACIÓN.

"I STILL HAVEN`T FOUND WHAT I´M LOOKING FOR"

U2

"BLOWING IN THE WIND"

BOB DYLAN

6º CURSO 3.7

18 - 22 MAIO

 

Bo día !

 

A- CANTAMOS: U2

 

B- ORQUESTRA ORFF: BARCAROLA

C- LINGUAXE MUSICAL: SÍNCOPE E ANACRUSE.

A síncope consiste nun cambio na regularidade do ritmo. Está formada por unha nota que comeza en parte ou fracción débil e que se prolonga ata a seguinte parte, ou fracción, forte.

 

A anacruse son as notas que nunha melodía aparecen antes do primeiro tempo forte, quedando así un compás incompleto que non se terá en conta no cómputo total dos compases.

 

 

5º CURSO 3.7

18 - 22 MAIO

 

Bo día !

PREGUNTAMOS: NA BEIRA DO MAR.

A- CANTAMOS.

Repasamos a canción da última clase:

 

B- ΑS FRAUTAS.

As frautas son instrumentos da familia de vento-madeira. Dentro das frautas podemos facer a seguinte distinción:

 

 Frautas traveseiras.               Frautas de bico.

       

En Galicia temos o noso propio modelo de frauta traveseira: a requinta.

C- FRAUTA.

Comezamos partitura nova.

O compás é un 3/4 sen alteracións, con negras, brancas e un tempo moi lento; prestade especial atención ás ligaduras. Aproveitaremos os descansos da melodía para marcar catro partes ben diferenciadas no seu estudo:

    1ª- Compases 1 - 4
    2ª- Compases 5 - 8
    3ª- Compases 9 - 14
    4ª- Compases 15 - 19

No enlace seguinte tedes un titorial da partitura. A única diferencia coa partitura de arriba está no ¿...? compás.

Se buscades pola rede poderedes ver máis información desta peza e varios exemplos en diferentes estilos.

Aquí tedes un exemplo con Simon & Garfunkel.

Outro exemplo con Hayley Westenra

 

¡¡PERCUSIÓN !

4º CURSO 3.7

18 - 22 MAIO

 

Bo día !

 

PREGUNTAMOS : A FEIRA

A- CANTAMOS: "Eu teño alguén"

A canción de hoxe será familiar para vós xa que a temos cantado algunha vez na escola. A ver se sodes quen de recordar cada xesto que faciamos cando a cantabamos todos xuntos.

 

É moi importante que non esquezades que cantar e berrar non son sinónimos. Temos que coidar a nosa voz, non temos outra!

 

B- LINGUAXE MUSICAL.

Nas seguintes partituras falta a fórmula de compás. Prestamos moita atención para razoar a resposta:

 

C- MUSICA E CINE.

Para rematar a clase de hoxe, temos un vídeo dunha orquestra interpretando un tema que de seguro coñecedes. O tema é da saga de Indiana Jones, o home que nunca perdeu o chapeu, e o seu compositor é o coñecido John Williams, ese músico do que temos unha "escultura" na nosa aula.

 

A ver de sodes capaces de descubrir outras obras coñecidas deste compositor, investigade pola rede a ver que atopades.

 

3º CURSO 3.7

18 - 22 MAIO

 

Bo día !

 

A- FRAUTA.

Hoxe queda por aquí un vídeo que vos servirá para practicar a canción de frauta do mes de maio. Nela aparecían dúas notas novas: do e re.

B- CANTAMOS.

Repasamos a canción do último día : "Imos xogar".

 

C- VENTO-MADEIRA LINGÜETA SIMPLE: O CLARINETE.

O clarinete de Calamardo é un instrumento de vento, en forma de tubo e feito de madeira de ébano. Ten unha lingüeta simple e varios buratos e chaves.

 

É moi utilizado nas bandas de música, orquestras e bandas de jazz e folk.

 

Agora escoitade estes dous vídeos, de dous e un minuto, nos que poderemos ver ao clarinete en acción.

 

         

2º CURSO 3.7

18 - 22 MAIO

 

Bo día !

 

A- CANTAMOS.

Hoxe temos aquí outra canción de Migallas: "Miña abuela Manuela". O xeito de traballar a canción será, coma sempre,  seguindo estes catro pasos:

  1- Escoito a canción unha vez.

 2- Leo a letra da canción un par de veces, sen música, tomando boa nota das estrofas e do retrouso.

  3- Canto a canción ao tempo que soa a música.
  4- Invento algúns movementos co corpo para escenificala.

B- TRABALLO NO CADERNO.

Agora toca traballar un pouco no caderno, que o temos un pouco esquecido. Collede o voso caderno e un lapis e copiade esta pequena partitura. Recordade os pasos:

   1- Facemos a clave de sol.

  2- Facemos as liñas divisorias dereitiñas e "medindo o espazo cos dedos".

   3- Comprobamos ter catro compases en cada pentagrama.

Cando teñades a canción copiada no caderno inventaremos unha letra para a melodía.

   

C- INSTRUMENTOS DE PERCUSIÓN.

Hoxe temos un pequeno vídeo que nos sirve como repaso dalgúns instrumentos de percusión. A ver se sodes quen de recordar cantos deles podemos atopar na nosa aula do colexio.

1º CURSO 3.7

18 - 22 MAIO

 

Bo día !

A- CANTAMOS.

Comezamos unha nova canción: "A vaca Marela". Seguro que a recordades de Infantil.

Antes de poñer o vídeo leremos a letra para ver se coñecedes tódalas palabras que aparecen. Logo inventaremos algúns movementos para facer coa canción.

Coidade a vosa voz ao cantar, facédeo prestando moita atención á música e non berredes.

 

B- AS NOTAS NO PENTAGRAMA.

Agora colleremos o caderno para rematar os dous pentagramas do outro día, coas notas que nos diga o xogo da clave de sol.

 

C- XOGAMOS CO RITMO.

Imos xogar agora con estas figuras e silencios:

 

 

 

     Negra

 

       Silencio de negra

 

  

Dobre corchea

 

 

 

Primeiro leremos os ritmos e logo faremos percusión corporal con eles.