5º CURSO 2.4
29 XANEIRO - 2 FEBREIRO
A próxima semana preguntarei o himno da alegría, non vos esquezades del.
A- O COMPÁS DE TRES POR CATRO.
O
3/4 é un compás ternario, é dicir, ten tres partes ou pulsos. A primeira parte é forte (leva o acento) e a segunda e a terceira son débiles.A figura unidade de tempo é a negra.
A figura unidade de compás é a branca con punto.
B- LIÑAS DIVISORIAS.
Agora comprobaremos as liñas divisorias da última clase e logo marcaremos os acentos > e os pulsos I nesta partitura en 3/4
C- AUDICIÓN: VALSE
Por último escoitaremos un valse, que é unha das pezas máis coñecidas en compás ternario. Neste caso é un valse de Johann Strauss (fillo), un compositor austriaco nado en Viena no ano 1825 e que pasou a ser recordado como o rei do valse.
