Hoxe recordaremos a colocación das notas mi, fa, sol e la no pentagrama.
Mi: primeira liña.
Fa: primeiro espazo.
Sol: segunda liña.
La: segundo espazo.
A pasada semana copiamos unha pequena partitura con estas notas. Agora comprobaremos no caderno que os seus nomes estean ben postos.
B- INSTRUMENTOS DE TECLA.
Agora falaremos de dous instrumentos de tecla: o piano e o acordeón.
O piano é un instrumento de corda percutida. No seu interior ten varias cordas que son golpeadas (percutidas) por uns marteliños. Estes martelos son accionados por teclas.
O acordeón é un instrumento de vento que tamén ten un teclado para tocar as melodías. Ao abrir e pechar o fol fórmase unha corrente de aire que fai vibrar unhas lingüetas. Estas lingüetas emiten diferentes sons. No lado contrario ao teclado ten os baixos.
C- ESCOITAMOS CON ATENCIÓN.
Por último veremos un grupo de acordeonistas interpretando unha melodía moi coñecida. Prestade moita atención !