6º CURSO 1.7

30 OUTUBRO -  3 NOVEMBRO

 

Bo día !

 

A- FRAUTA.

B- LINGUAXE MUSICAL.

Agora toca falar das alteracións: sostido, bemol e becuadro.

As tres alteracións colócanse á esquerda da nota e modifican a súa altura, facéndoa así máis aguda ou máis grave. 

- O sostido sube un semitón a altura da nota.

- O bemol baixa un semitón a altura da nota.

- O becuadro anula ao sostido e ao bemol.

O sostido e o bemol podémolos atopar como alteracións propias ou accidentais:

- As propias son as que forman a armadura da partitura e afectan a tódalas notas dese nome que aparecen nela. No exemplo serían fa, do e sol.

- As accidentais son as que atopamos en calquera lugar da partitura e afectan á nota a que acompañan ou ás notas do mesmo nome que están dentro do mesmo compás.

C- AUDICIÓN.

A audición que temos agora é a "Danza macabra" do compositor francés Camile Saint-Saëns.

 

É unha obra na que o compositor trata de describir unha escena na que a morte...

 

5º CURSO 1.7

30 OUTUBRO - 3 NOVEMBRO

 

Bo día !

 

A- FRAUTA.

Picade na frauta se non recordades a posición das notas.

B- COPIAMOS NO BLOCK.

Esta partitura non é para tocar coa frauta.

Aproveito para recordar, de novo, o importante que é revisar pola noite o material que imos a usar ao día seguinte no colexio.

C- LINGUAXE MUSICAL.

Esta semana toca falar da dobre barra de repetición e das casas de 1ª e 2ª vez.

A dobre barra de repetición indica que temos que repetir o fragmento dende o lugar no que se atopa esta barra, ata o principio da obra ou ben ata outra dobre barra que estea a metade da partitura. No exemplo seguinte poderedes ver os dous casos.

 

As casas de 1ª e 2ª vez utilízanse xunto coa barra de repetición para non ter que escribir dúas veces unha parte da obra que se repite. Cando tocamos a segunda vez temos que saltar a casa da 1ª vez.

Consultade arriba a partitura da "Danza alegre" para ver como funcionan estes dous recursos.

4º CURSO 1.7

30 OUTUBRO - 3 NOVEMBRO

 

Bo día !

A- FRAUTA.

Seguimos coa partitura "A ritmo de foxtrot".

Lede ben as notas e logo ide practicando pentagrama por pentagrama, fixándonos moi ben na duración de cada figura. Coidade o sopro para sacar un son doce da vosa frauta.

 Nesta frauta podedes refrescar a posición das notas.

B- PERCUSIÓN.

É a hora de facer un pouco de barullo, así que, collede as vosas baquetas para practicar estes ritmos.

C- AUDICIÓN.

Nesta última parte da sesión, imos escoitar dúas pezas que forman parte da obra "O quebranoces", do compositor ruso Tchaikovsky.

Estas dúas pezas son a "danza chinesa" (no primeiro vídeo) e a "danza da fada de azucre" (no segundo).

 

 3º CURSO 1.7

30 OUTUBRO - 3 NOVEMBRO

 

Bo día !

 

A- CANTAMOS.

B- AS NOTAS NO PENTAGRAMA.

Como sabedes, o pentagrama é un conxunto de 5 liñas e 4 espazos no que colocamos as notas.

Canto máis arriba no pentagrama está unha nota máis aguda será, e canto máis abaixo, máis grave.

Agora imos entoar as notas do pentagrama seguindo o movemento ascendente ou descendente da nosa man.

C- FRAUTA.

Por último, collemos o noso caderno e copiamos esta partitura. Primeiro faredes catro espazos en cada pentagrama tratando de facelos todos do mesmo tamaño. Cando estea todo ben copiado poñemos o nome de cada nota.

6º CURSO 1.6

23 - 27 OUTUBRO

 Bo día !

 

  

 

 

A- FRAUTA.

B- CANTAMOS.

 

 

 

C- LINGUAXE MUSICAL.

Cando lemos ou escribimos música temos á nosa disposición os signos de prolongación: caldeirón, ligadura e puntiño.

O caldeirón é un semicírculo cun punto no medio que incrementa o valor dunha figura ou dun silencio a gusto do intérprete.

 

A ligadura é unha liña curva que une notas da mesma altura pola súa cabeza e suma os seus valores. No exemplo tedes dúas negras que xuntas durarían o mesmo que unha branca.

 

O puntiño é un punto pequeno que colocamos á dereita das figuras ou silencios para prolongar a súa duración nun 50%, é dicir, a metade.

5º CURSO 1.6

23 - 27 OUTUBRO

Bo día !

   

A- CANTAMOS.

 

 

B- REPASAMOS COA FRAUTA.

C- PERCUTIMOS.

Facemos contratempos.

4º CURSO 1.6

23 - 27 OUTUBRO

Bo día !

   

 

A- CANTAMOS.

B- FRAUTA.

Agora repasaremos a dixitación das notas dende o Do ata o Dó. Faremos unha escala ascendente-descendente  buscando un son doce en cada nota.

 

Se non recordades a posición dalgunha nota picade na frauta de abaixo para refrescala.

 

C- PERCUSIÓN.

É a hora das baquetas !

Collede eses pauciños máxicos e repasade estes ritmos doutros días.

 

3º CURSO 1.6

23 - 27 OUTUBRO

 

Bo día !

  

A- CANTAMOS.

 

B- DADO MUSICAL.

Agora completaremos dous pentagramas, en dous por catro, lanzando o dado. Antes de comezar preparamos os dous pentagramas do seguinte xeito, procurando que os catro compases de cada pentagrama queden do mesmo tamaño.

C- AUDICIÓN: "NA GRUTA DO REI DA MONTAÑA"

  Peer Gynt (Grieg)

Por último, queda por aquí un pequeno vídeo, de dous minutos e medio, cunha melodía que vai collendo intensidade e velocidade a medida que avanza. A ver quen é quen de descubrir que "problema" hai ao final do vídeo co pentagrama.

Para os que teñades un pouco máis de curiosidade, podedes investigar na rede sobre Peer Gynt, de Edvard Grieg.

6º CURSO 1.5

16 - 20 OUTUBRO

 Bo día !

 

A- COPIAMOS NO CADERNO.

 

Cando ao inicio da partitura atopamos un compás incompleto estamos diante dunha anacruse, polo tanto a peza comeza antes do primeiro tempo forte do compás.

B- A ORQUESTRA SINFÓNICA.

A colocación de cada instrumento na orquestra depende da sonoridade do mesmo. Os instrumentos con maior sonoridade están nos lugares máis afastados da dirección para non restarlle protagonismo aos demais.

A persoa que a dirixe ocupa un lugar central para poder ter no seu campo de visión a todos os instrumentistas, e estes a aquel, e poder ir así todos acompasados. Esta persoa usa normalmente unha vara lixeira, chamada batuta, para marcar o tempo da obra.

C- AUDICIÓN.

Agora imos escoitar unha peza do compositor español Isaac Albéniz. O nome desta obra é Córdoba.

O vídeo ten uha duración duns cinco minutos, espero que vos guste.

 

5º CURSO 1.5

16 - 20 OUTUBRO

  

Bo día !

 

A- FRAUTA.

 

B- PERCUSIÓN.

Agora collede as baquetas para repasar estes ritmos. Primeiro podemos tocalos pentagrama por pentagrama e logo, cando estean todos listos, facemos os catro dun tirón.

 

C- INSTRUMENTOS DE PERCUSIÓN.

Podemos clasificar os instrumentos de percusión en dous tipos principais:

- Membranófonos.

- Idiófonos.

Os membranófonos: son aqueles instrumentos de percusión que emiten o seu son ao percutir nunha membrana que pode ser sintética ou de pel natural. Esta membrana podémola percutir coas mans ou cunhas baquetas.

Os idiófonos: son aqueles instrumentos de percusión que, ao contrario que os membranófonos, non teñen unha membrana na que percutir, é o seu corpo o que vibra para producir o son. Algúns tócanse con baquetas, outros axítanse e outros hainos que rascar.

 

 4º CURSO 1.5

16 - 20 OUTUBRO

 Bo día !

A- COPIAMOS NO CADERNO.

Queda por aquí a partitura desta semana. Recordade preparar a mochila do colexio a noite anterior comprobando ben o horario.

B- MÚSICA E ESPECTÁCULO.

 

A música está presente en moitas facetas da nosa vida. Escoitamos música cada día: camiñando pola rúa, cando imos no coche, cantamos na ducha, poñemos a nosa canción favorita cando celebramos un aniversario... 

Podedes pensar nunha película que non inclúa nada de música?

Imaxinades unha festa sen música?

A música acompaña ao ser humano dende hai miles de anos e, dende aquela, non deixa de cambiar, unhas veces máis rápido e outras máis amodo.

En case calquera tipo de espectáculo que poidamos ver, a música vai estar presente en maior ou menor medida, e esa música vai facer que nos sintamos de mil maneiras distintas.

C- A IMPORTANCIA DA MÚSICA NO CINE.

 

Agora veremos unha escena de "Piratas do Caribe" na que aparece Jack Sparrow nun pequeno veleiro. Nesta escena, que se repite varias veces, notaredes tristeza, medo, ledicia ou afouteza segundo sexa a música en cada momento.

Picade sobre Mr. Sparrow para comprobar a maneira na que a  música inflúe no noso estado de ánimo.

3º CURSO 1.5

16 - 20 OUTUBRO

 

Bo día !

 

A- CANTAMOS.

B- INSTRUMENTOS DE PERCUSIÓN DE PARCHE.

Os instrumentos de parche son aqueles que teñen unha membrana na que percutimos para facer algún ritmo. Esta membrana pode ser de pel natural (de ovella, de cabra...) ou sintética.

Nestes instrumentos podemos percutir coas mans ou cunhas baquetas.

C- AUDICIÓN.

Por último imos escoitar unha bonita peza do compositor Leroy Anderson: Jazz Pizzicato.

 

Primeiro escoitade a música e despois tratade de ir acompañando con palmas prestando atención ás negras (un golpe) e corcheas (dous golpes).

 

6º CURSO 1.4

9 - 13 OUTUBRO

 Bo día !

 

A- COPIAMOS NO CADERNO.

 

Cando ao inicio da partitura atopamos un compás incompleto estamos diante dunha anacruse, polo tanto a peza comeza antes do primeiro tempo forte do compás.

B- INSTRUMENTOS DA FAMILIA DE VENTO-MADEIRA

Cando piquedes na fotografía de abaixo, aparecerá unha presentación de slideshare cos instrumentos de vento-madeira. A medida que vaiamos pasando de diapositiva, irán aparecendo máis instrumentos con cadansúa información.

B- PERCUSIÓN.

Agora imos facer un exercicio de percusión simultaneando dous ou, si atendemos o suficiente, tres ritmos distintos.

Prestade moita atención !

5º CURSO 1.4

9 - 13 OUTUBRO

 

Bo día !

 

A- FRAUTA.

Comezamos repasando a partitura da última clase.
O primeiro que faredes será comprobar no voso caderno si a tedes ben copiada, sen erros que vos leven a unha mala aprendizaxe.

 

  

B- MÚSICA E CINE: WEST SIDE STORY.

Hoxe preséntovos un fragmento do coñecido musical West Side Story.

Este musical estreouse no ano 1957 en New York onde acadou grande éxito, posteriormente foi levado ao cine no ano 1961, o que lle deu fama internacional. O argumento conta, igual que en Romeo e Xulieta, a historia dunha parella que se atopa con moitas dificultades para levar adiante a súa relación, xa que ambos chocan coa intolerancia dos seus respectivos amigos/as.

A música foi composta por Leonard Bernstein (fotografía de arriba) ao que lle concederon o Óscar á mellor banda sonora. Aquí abaixo queda un dos momentos estelares da película.

 

 C- RITMO.

Por último, imos exercitar o oído. Picando nas corcheas iremos a un enlace no que primeiro haberá que escoitar e logo completar os ritmos previamente escoitados.

É un exercicio moi completo no que se traballa a memoria auditiva, a atención e a linguaxe musical. Un choio, tres polo prezo dun !!