6º CURSO 2.6

23 - 27 DE FEBREIRO

 

Bo día !

A- PREGUNTAMOS O HIMNO DA ALEGRÍA.

 

B- CANTAMOS.

C- O CANON.

O canon é unha forma musical que se caracteriza pola existencia dunha primeira voz, o antecedente, que é imitada posteriormente por outra/s, o consecuente, que entra máis tarde facendo a mesma (ou similar) melodía.

Pachelbel compuxo un dos máis coñecidos. Poderedes escoitar unha versión deste canon, para piano e violín, máis abaixo.

 

5º CURSO 2.6

23 - 27 FEBREIRO

 Bo día !

A- ACABAMOS DE PREGUNTAR O HIMNO DA ALEGRÍA.

 

B- CANTAMOS.

 

C- O COMPÁS DE CATRO POR CATRO.

O 4/4 é un compás cuaternario, é dicir, ten catro partes ou pulsos que se reparten da seguinte maneira:

 

Primeira parte forte (leva o acento)

Segunda parte débil.

Terceira parte medio forte. 

Cuarta parte débil.

 

A figura unidade de tempo é a negra.

 

A figura unidade de compás é a redonda.

 

Agora imos á partitura de arriba para analizar o seu compás.

 

4º CURSO 2.6

23 - 27 FEBREIRO

 

Bo día !

PREGUNTAMOS

A- CANTAMOS.

B- PERCUTIMOS.

Agora  temos que prestar toda a nosa atención a esta partitura de percusión.

Está escrita en tres por catro (compás ternario) así que temos que dar máis forza á primeira parte de cada compás.

Primeiro analizamos cada compás, logo lemos e, por último, percutimos coas baquetas.

Atención aos contratempos dos compases 9 e 13 !!

C- INSTRUMENTOS DE TECLA.

Os instrumentos de tecla son aqueles que producen o seu son cando prememos, con máis ou menos forza, no seu teclado formado por teclas brancas e negras.

Este tipo de instrumentos podemos clasificalos do seguinte xeito:

1- Corda: piano, clave.

2- Vento: acordeón, melódica.

3- Percusión: celesta.

4- Electrófonos: sintetizador.

3º CURSO 2.6

 23 - 27 FEBREIRO

Bo día !

A- CANTAMOS.

 

B- FRAUTA.

Como vos dixera a semana pasada, queda por aquí un vídeo para facilitarvos a práctica desta partitura. Recordade que podedes baixar a velocidade do vídeo na configuración.

Durante a práctica recordade isto:

1- Lombo ben dereitiño.

2- Man esquerda arriba.

3- Man dereita abaixo.

4- Polgar esquerdo tapando o burato traseiro.

5- Polgar dereito nas "raias"

6- Sopramos amodiño.

Podedes recordar as posicións das notas premendo na seguinte imaxe.

C- AUDICIÓN.

Agora escoitaremos unha peza de Leopoldo Mozart (o pai de Wolfgang e Nannerl) que compuxo esta bonita obra:

"Viaxe en zorra"

 

Leopoldo Mozart cos seus fillos Nannerl e Wolfgang.

D- CONTIDO EXTRA.

CONCERTO DIDÁCTICO DA SINFÓNICA PONTEVEDRA.

 

2º CURSO 2.6

23 - 27 FEBREIRO

 

Bo día !

A- A BRANCA E O SEU SILENCIO.

Estas son a branca e o seu silencio.

A branca, que pode levar a plica cara arriba ou cara abaixo, é unha figura que dura dous pulsos.

Cando facemos ritmos e atopamos unha branca temos que dicir tu-u.

Dura, polo tanto, o dobre ca negra:

 

Cos seus silencios ocorre o mesmo. Un silencio de branca dura tamén dous tempos, o mesmo ca dous silencios de negra:

B- COPIAMOS NO CADERNO.

Agora colleremos o caderno para copiar ben esta partitura.

Primeiro temos que repartir cada pentagrama en catro compases iguais colocando ben as liñas divisorias.

Poñede moita atención á liña ou espazo que ocupa cada nota, xa que se as movemos un chisquiño xa non serían as mesmas.

C- REPASAMOS A CANCIÓN DO ENTROIDO.

 

 

1º CURSO 2.6

23 - 27 FEBREIRO

 

BO DÍA !

 

A- REPASAMOS: O LIBRO MÁXICO.

B- O DADO MUSICAL.

 

C- NOTAS NO PENTAGRAMA.

FACEMOS UN CLIC NA CLAVE DE SOL PARA XOGAR COAS NOTAS.

 

 

COLABORACIÓN CO ROCKLAB PARA O

SALON DO LIBRO 2026

"NON TODO ESTÁ PERDIDO"

"MOVIN´ ON UP"

 ENTROIDO 2026

A CAROLINA

(INFANTIL)

O VERDEGAIO

(1º CICLO)

O PIRIMPIMPIM

(2º CICLO)

SE CHOVE

(3º CICLO)

6º CURSO 2.5

9 - 13 FEBREIRO

Bo día !

A- REPASAMOS.

 

 HIMNO DA ALEGRÍA.

 

B- CANTAMOS.

C- O CARÁCTER.

O carácter é a propiedade da música pola que afloran os sentimentos que nos provoca esta. Calquera obra musical provoca en nós unha reacción e esa reacción está determinada polo seu carácter. Deste xeito podemos chegar a sentir alegría, tristura, melancolía, excitación, medo...

O carácter dunha obra ven dado polo tempo, a intensidade, os contrastes na altura dos sons da melodía, o timbre dos instrumentos e a técnica de interpretación.

Agora prestade moita atención ao carácter desta obra de Rimski-Kórsakov (Rusia 1844) chamada O Voo do moscardón.

5º CURSO 2.5

9 - 13 FEBREIRO

Bo día !

A-REPASAMOS.

 

B- CANTAMOS.

LSE

 

 

 

C- O PIANO.

Hoxe toca falar dun dos instrumentos máis coñecidos: o piano.

O piano é un instrumento de corda percutida. No interior da caixa de resonancia ten unha arpa con cordas que se golpean cuns pequenos martelos, accionados, á súa vez, pola presión que exercemos nas teclas.

Un piano ten un teclado de 88 teclas e uns pedais na parte inferior para modular o seu son.

O piano clasifícase dentro dos instrumentos polifónicos xa que pode emitir varios sons a un mesmo tempo, podendo así orixinar harmonías de gran complexidade.

Escoitade agora esta fantástica interpretación do Estudo Revolucionario de Chopin (Polonia 1810) a cargo do pianista chinés Li Yundi.

4º CURSO 2.5

9 - 13 FEBREIRO

 

Bo día !

A- REPASAMOS.

 

B- CANTAMOS.

 

C- AUDICIÓN.

Aquí tedes un exemplo dunha mestura perfecta entre película de animación e música, neste caso, "A danza da fada de azucre" de Tchaikovsky, un músico ruso do século XIX.

 

Prestade atención á sincronización dos movementos entre as zorras, que van aparecendo deslizándose polas liñas do pentagrama, e a melodía.

Outro exemplo de película de animación acompañada coa mesma música de Tchaikovsky.

3º CURSO 2.5

 9 - 13 FEBREIRO

Bo día !

A- CANTAMOS.

 

B- COPIAMOS E TOCAMOS.

Agora acabaremos de copiar a partitura da semana pasada e poñeremoslle o nome a cada nota. Logo practicaremos a dixitación coa frauta.

A próxima semana teredes por aquí un vídeo para facilitarvos a súa práctica.

Quedan por aquí as posicións das notas estudiadas na frauta.

C- OS INSTRUMENTOS NO ROCK.

A música rock é un estilo no que destacan os ritmos moi marcados e os instrumentos moi amplificados.

De todos eles destacan estes tres:

1- Guitarra eléctrica: ten seis cordas e adoita tocarse cunha puga. Necesita conectarse a un amplificador para aumentar a súa potencia e poder facer distintos efectos de son.

2- Baixo eléctrico: ten catro cordas e emite un son moi grave, por iso se chama baixo. Tamén necesita conectarse a un amplificador para aumentar a súa potencia.

3- Batería: tócase coas baquetas e está formada por varios instrumentos de percusión como a caixa, os pratos, o bombo e os toms.

2º CURSO 2.5

9 - 13 FEBREIRO

 

Bo día !

 

A- CANTAMOS.

Comezaremos a clase de hoxe cun debate sobre os disfraces para o Entroido:

Cal é o voso favorito?

B- RITMOS CON NEGRAS, CORCHEAS E SILENCIOS DE NEGRA EN 2/4 E 3/4

(Compás binario e ternario)

C- AUDICIÓN: O INVERNO (VIVALDI).

Por último imos escoitar unha obra do famoso compositor Vivaldi.

Vivaldi trata de describir coa súa música as Catro Estacións do ano. O que imos escoitar agora é o Inverno.

1º CURSO 2.5

9 - 13 FEBREIRO

 

BO DÍA !

A- CANTAMOS: O LIBRO MÁXICO.

B- O DADO MUSICAL.

AGORA IMOS ACABAR:

 

- AS CLAVES DE SOL.

- AS NOTAS CO DADO.

 

C- PERCUSIÓN.

POR ÚLTIMO IMOS FACER TRES GRUPOS PARA TOCAR INSTRUMENTOS DE PERCUSIÓN.

 

 

6º CURSO 2.4

2 - 6 FEBREIRO

Bo día !

En breve preguntarei o Himno da Alegría, non vos esquezades del.

A- COMPROBAMOS AS LIÑAS DIVISORIAS.

Comezamos facendo  a colocación das  liñas  divisorias da  última  clase, logo marcaremos os acentos > e os pulsos I nesta partitura en 3/4

 

B- O MATIZ.

O matiz ou intensidade indica a forza coa que se ten que interpretar cada pasaxe dunha obra.

A intensidade sufre moitos cambios ao longo da interpretación da peza, conseguindo así proporcionarlle unha maior expresividade a esta.

Os cambios de intensidade fanse seguindo estas abreviaturas:

 

pp              p                mp                     mf           f           ff

pianissimo          piano           mezzopiano          mezzoforte         forte      fortissimo

 

Tamén empregamos os reguladores para indicar os cambios graduais de intensidade:

 

C- AUDICIÓN.

Agora prestade moita atención aos cambios de matiz nesta obra de Richard Wagner, compositor alemán nado no ano 1813 e moi coñecido polas súas óperas. A obra que escoitaremos agora é a Cabalgata das Valquirias.

5º CURSO 2.4

2 - 6 FEBREIRO

Bo día !

Non vos esquezades do Himno da Alegría que preguntarei este mes !

A- O COMPÁS DE TRES POR CATRO.

O 3/4 é un compás ternario, é dicir, ten tres partes ou pulsos. A primeira parte é forte (leva o acento) e a segunda e a terceira son débiles.

 

A figura unidade de tempo é a negra.

 

A figura unidade de compás é a branca con punto.

B- LIÑAS DIVISORIAS.

Agora comprobaremos as liñas divisorias da última clase e logo marcaremos os acentos > e os pulsos I nesta partitura en 3/4

 

 

C- AUDICIÓN: VALSE

Por último escoitaremos un valse, que é unha das pezas máis coñecidas en compás ternario. Neste caso é un valse de Johann Strauss (fillo), un compositor austriaco nado en Viena no ano 1825 e que pasou a ser recordado como o rei do valse.