6º CURSO 2.2
19 - 23 XANEIRO
Bo día !
A- CANTAMOS.
CANCIÓN PARA O DÍA DA NON VIOLENCIA E A PAZ
B- FRAUTA:" Himno da Alegría" (Sol M)
20 xaneiro 2026
19 - 23 XANEIRO
B- FRAUTA:" Himno da Alegría" (Sol M)
A música e as linguas teñen, dende sempre, unha relación moi cercana.
Poucas veces, na creación dunha canción, letra e música van saíndo a un mesmo tempo. As máis das veces non é así, de xeito que poden darse dúas situacións neste proceso:
Agora imos intentar escribir ritmos para estas pequenas frases prestando moita atención á sílaba tónica de cada palabra:
5º CURSO 2.2
19 - 23 XANEIRO
Bo día !A- CANTAMOS.
CANCIÓN PARA O DÍA DA NON VIOLENCIA E A PAZ
B- FRAUTA: "Himno da Alegría" (Do M)
Seguimos co Himno da Alegría que retomamos a semana pasada, pero hoxe incorporaremos tamén xilófonos, metalófonos e carillóns.
C- OS SIGNOS DE PROLONGACIÓN.
Agora falaremos de dous signos que usamos para prolongar o valor das figuras: o punto e a ligadura de unión.A ligadura de unión é unha liña curva que, como indica o seu nome, une notas que estan á mesma altura no pentagrama. O resultado será un único son de duración igual á suma desas notas.
Neste exemplo temos unha negra (que dura un tempo) ligada cunha branca (dous tempos). O resultado na execución será un único la que durará tres tempos.
O punto é un signo que colocamos á dereita da nota ou silencio para prolongar o seu valor un 50%, é dicir, prolonga a duración a metade do seu valor.
4º CURSO 2.2
19 - 23 XANEIRO
Bo día !
A- CANTAMOS.
CANCIÓN PARA O DÍA DA NON VIOLENCIA E A PAZ.
B- FRAUTA.
Acabamos de copiar no caderno a partitura do último día.
C- A VOZ HUMANA.
A voz é o instrumento máis antigo de todos, xa que é tan antigo como a propia humanidade. A súa expresividade é difícilmente igualable por outros instrumentos, xa que con ela podemos abarcar unha grandísima variedade de matices que nos permiten expresar calquera sentimento, ou entoar unha multitude de sons.
Podemos clasificar as voces humanas segundo a súa altura en:
- Soprano.
Voces de muller: - Mezzosoprano.
- Contralto.
- Tenor.
Voces de home: - Barítono.
- Baixo.
Todas estas voces podémolas atopar combinadas entre si en diferentes agupacións:
- Solistas.
- Dúos.
- Cuartetos.
- Coros.
3º CURSO 2.2
19 - 23 XANEIRO
Bo día !
A- CANTAMOS:
B- FRAUTA.
Hoxe toca comezar coa partitura que copiamos o último día, pero antes de nada, poñeremos o nome a cada nota.
Recordade tamén os consellos de sempre:
1- Lombo ben dereitiño.
2- Man esquerda arriba.
3- Man dereita abaixo.
4- Polgar esquerdo tapando o burato traseiro.
5- Polgar dereito nas "raias"
Recordade
a importancia de practicar dez ou doce minutos diarios, de luns a
venres.
C- OS COMPASES.
Este é o compás de dous por catro. Ten dous pulsos e cada un deles complétase cunha negra ou o seu silencio (ou algo equivalente). É un compás binario.
Este é o compás de tres por catro. Ten tres pulsos e cada un deles complétase cunha negra ou o seu silencio (ou algo equivalente). É un compás ternario.
Este é o compás de catro por catro. Ten catro pulsos e cada un deles complétase cunha negra ou o seu silencio (ou algo equivalente). É un compás cuaternario.
PRESTADE ATENCIÓN A ESTES PENTAGRAMAS.
2º CURSO 2.2
19 - 23 XANEIRO
Bo día !
A- CANCIÓN DÍA DA PAZ.
B- ACABAMOS DE COPIAR A PARTITURA.
Comezamos comprobando se temos ben copiada a canción do último día e se temos ben o nome das notas. Prestade moita atención á liña ou espazo que ocupa cada unha delas.
C- XOGAMOS COAS NOTAS.
Agora temos que picar nas corcheas para xogar cos ritmos.
1º CURSO 2.2
19 - 23 XANEIRO
BO DÍA !
A- CANTAMOS:
CANCIÓN PARA O DÍA DA NON VIOLENCIA E A PAZ
B- O DADO MUSICAL.
REMATAMOS O TRABALLO DO ÚLTIMO DÍA.
PRIMEIRO FAREMOS SEIS CLAVES DE SOL EN DOUS PENTAGRAMAS.
LOGO DIVIDIREMOS DOUS PENTAGRAMAS EN CATRO COMPASES IGUAIS MEDINDO COS DEDOS.
POR ÚLTIMO COMPLETAREMOS LANZANDO O DADO.
15 xaneiro 2026
6º CURSO 2.1
12 - 16 XANEIRO
Bo día !
A- FRAUTA: " Himno da Alegría" (Sol M)
Toca
retomar a partitura do Himno da Alegría (en sol M) que deixamos "aparcada" no mes
de decembro.
Quedan por aquí a partitura e mailo vídeo desta obra.
B- CANTAMOS: DE QUE CHE VALE ?
C- A GAITA.
A gaita é un instrumento da familia de vento-madeira.
No seu punteiro leva a palleta (que é unha lingueta dobre) e no roncón, no ronquete e no chillón leva o pallón (lingüeta simple).
A gaita é un instrumento moi presente no noso folclore, pero tamén aparece noutros lugares da xeografía española como: Asturias, Aragón, Baleares ou Cataluña.
Podemos atopar tamén distintos tipos de gaitas fóra de España, en lugares tan afastados como: Irlanda, Escocia, Canadá ou EEUU.
Agora deixo por aquí un vídeo cunha das nosas gaiteiras máis coñecidas: Susana Seivane.
5º CURSO 2.1
12 - 16 DE XANEIRO
A- FRAUTA: "Himno da Alegría" (Do M)
Toca retomar a partitura do Himno da Alegría que deixamos "aparcada" no mes de decembro.
B- CANTAMOS: DE QUE CHE VALE ?
C- ESCOITAMOS.
A audición de hoxe será unha peza do músico ruso Serguéi Prokófiev chamada: "Fogata de inverno"
13 xaneiro 2026
4º CURSO 2.1
12 - 16 DE XANEIRO
Bo día !
A- FRAUTA.
Ano novo partitura nova.
Toca comezar coa partitura para frauta que queda hoxe por aquí.
O primeiro, loxicamente, será copiala no voso caderno. É unha partitura moi curta e sinxela, pero aínda así, require da vosa práctica para aprendela ben. Non esquezades eses dez ou doce minutos de práctica diaria de luns a venres.
A semana próxima subirei unha gravación que vos sirva coma guía, pero, de momento, ide practicando pola partitura.
B- CANTAMOS: DE QUE CHE VALE ?
C- INSTRUMENTOS DE CORDA PUNTEADA.
Os instrumentos de corda punteada, son aqueles nos que usamos os dedos para facer vibrar as cordas por contacto directo con elas, ainda que tamén podemos usar unha puga.
Estes instrumentos teñen un sistema de caravillas nas que se atan as cordas para poder ser afinadas.
A guitarra e a arpa son os dous instrumentos máis coñecidos desta familia, pero tamén están a bandurra, o laúde, o ukelele ou o banxo.
3º CURSO 2.1
12 - 16 XANEIRO
Bo día !
A- FRAUTA: A NOTA FA.
Repasamos as posicións das notas fa, mi e dó na frauta.
Recordade sempre os consellos para tocar a frauta:
1- Lombo ben dereitiño.
2- Man esquerda arriba.
3- Man dereita abaixo.
4- Polgar esquerdo tapando o burato traseiro.
5- Polgar dereito nas "raias"
B- COPIAMOS NO CADERNO.
Hoxe toca copiar unha partitura nova no caderno. nela practicaremos as notas fa, sol, la, dó.O próximo día deixarei por aquí unha gravación desta partitura.
Recordade a importancia de practicar dez ou doce minutos diarios, de luns a venres, para non esquecer o que practicamos na clase.
C- CANTAMOS: DE QUE CHE VALE?
2º CURSO 2.1
12 - 16 DE XANEIRO
Bo día !
"O BONECO DE NEVE"
Hoxe toca comezar poñendo toda a nosa atención á historia do boneco de neve.
A- COPIAMOS NO CADERNO.
Agora imos coller o caderno para copiar ben esta pequena partitura. Prestade moita atención á liña ou espazo que ocupa cada nota, xa que logo cantaremos e poñerémoslle o nome a cada unha delas.
Repartide cada pentagrama en catro compases iguais colocando ben as liñas divisorias.
B- CANTAMOS: DE QUE CHE VALE ?
C- XOGAMOS COAS NOTAS.
Por último picamos na clave de sol para xogar coas notas mi, fa, sol e la no pentagrama.
No enlace atoparemos tres xogos distintos:
- Ler.
- Escribir.
- Escoitar.
Subscribirse a:
Comentarios (Atom)